बिग बॉस मराठी ६ च्या घरात आता हाय व्होल्टेज ड्रामा पाहायला मिळणार आहे. कलर्स मराठीवरील या सिझनच्या नवीन प्रोमोमध्ये राकेश बापट आणि अनुश्री माने यांच्यात भांडण पुन्हा भयानक रूप धारण करताने दिसत आहे.
प्रोमोमध्ये राकेश कमालीचा संतापलेला दिसत असून तो घरातील कामाच्या मुद्द्यावरून अनुश्रीवर निशाणा साधताना दिसतोय. “घरात एकही काम न करणाऱ्या मुलीचे आपण का ऐकून घ्यायचे?” असा प्रश्न राकेशने घरातील इतर सदस्यांसमोर उपस्थित केला आहे. राकेशचा हा आक्रमक अवतार पाहून घरातील इतर सदस्यही अवाक झाले आहेत.
दुसरीकडे, अनुश्रीनेही राकेशला जोरदार प्रत्युत्तर देत आहे. दोघांमध्ये एकमेकांवर ओरडण्याची आणि चूप राहण्याची जणू स्पर्धाच लागली आहे. राकेश वारंवार तिला गप्प राहण्यास सांगत असताना अनुश्रीनेही त्याला तितक्याच जोरदारपण प्रत्युत्तर देत आहे.
घरात शांत राहणारा राकेश यावेळी इतका का चिडला? या भांडणात कोणाची बोलती होणार बंद? हे पाहणे आता रंजक ठरणार आहे, याकडे प्रेक्षकांचे लक्ष लागले आहे.
दोन दिवसांपूर्वीसुद्धा राकेश आणि अनुश्री यांच्या वादाची ठिणगी पेटली होती. तिने राकेशवर आपल्या शरीराला चुकीचा स्पर्श केल्याचा मोठा आरोप केलेला. यामध्ये तिला केवळ रुचिताने साथ दिली होती. बाकी संपूर्ण घर तिच्या विरोधात होते.
या भांडणाचे पडसाद बाहेरही उमटलेले दिसून आले आहे. घराबाहेर राकेश बापटला प्रेक्षकांचा प्रचंड पाठिंबा मिळत आहे तर अनुश्रीला तिच्या उद्धटपणामुळे आणि सतत शिव्या घालून बोलण्याच्या स्वभावामुळे घराबाहेर काढण्याची मागणी होत आहे.
