बारामतीच्या विमान अपघातात मृत्यू पावलेल्या पिंकी माळी यांच्या कुटुंबाला राष्ट्रवादी काँग्रेसचे नेते रोहित पवार यांनी भेट दिली. यावेळी पिंकीच्या भावाला चांगल्या नोकरीचे आश्वासनही देण्यात आले. मागील आठवड्यात बारामतीजवळ घडलेल्या या विमान दुर्घटनेत उपमुख्यमंत्री अजित पवार सह पाच जणांचा मृत्यू झाला होता.
रोहित पवार शुक्रवारी मुंबईतील वरळी येथे पिंकी माळीच्या निवासस्थानी गेले. तिच्या वडिलांना आणि कुटुंबीयांना सांत्वन दिले. पिंकीचा भाऊ सध्या शिकत असल्याचे सांगितल्यावर रोहित पवारांनी त्याला योग्य नोकरी मिळवून देण्याचे वचन दिले.
पिंकीच्या पतीनंतर तिचे वडीलही अश्रूंना आवरू शकले नाहीत. “अजितदादांसोबत असताना मुलीने अखेरचा फोन केला होता. तेवढ्यात हे सारं…” म्हणत ते बोलूच शकले नाहीत. पिंकी विमानातील फ्लाइट अटेंडंट होती. गेली पाच वर्षे ती याच पेशात होती.
याआधीही तिने अजित पवारांसोबत तीन वेळा प्रवास केला होता. तिची इच्छा भाऊ विमानाचं काम करावं असा होती. पण शेवटच्या क्षणी तिचं हे स्वप्न पूर्ण होऊ शकलं नाही.
रोहित पवारांनी या प्रकरणी स्पष्ट केलं, “हे दुसऱ्या कोणाचं नाही तर आपल्या कुटुंबाचं दुःख आहे. सुनेत्रा काकींनी आज जबाबदारी स्वीकारली आहे. आम्ही त्यांना पूर्ण पाठिंबा देतो.” गेल्या आठवड्यातील या दुर्घटनेमुळे महाराष्ट्राच्या राजकीय आणि सामाजिक क्षेत्रात शोकाची लहर पसरली आहे.
