मुंबई: दिवाळीच्या तोंडावर धनत्रयोदशीच्या शुभ मुहूर्ताला सोने खरेदी करणाऱ्यांसाठी एक आनंदाची बातमी आहे. गेल्या काही दिवसांपासून सोन्याच्या दराने सतत उसळी घेतली होती. त्यामुळे अनेक ग्राहक सोन्याचे वाढलेले दर पाहून खरेदी पुढे ढकलत होते. मात्र, आज धनत्रयोदशीच्या दिवशी सोने आणि चांदीच्या दरात मोठी घसरण झाली आहे. यामुळे ग्राहकांना दिलासा मिळाला आहे.
आज १८ ऑक्टोबर २०२५ रोजी सोन्याच्या दरात लक्षणीय घट नोंदवली गेली आहे. विशेषतः २४ कॅरेट सोन्याच्या दरात मोठी कपात झाली आहे. सोन्याचे दर घसरल्यामुळे आज सराफा बाजारात ग्राहकांची गर्दी उसळण्याची शक्यता आहे. धनत्रयोदशीला सोनं खरेदी करणं शुभ मानलं जातं, त्यामुळे या घसरणीचा फायदा अनेक जण घेतील.
२४ कॅरेट सोन्याबद्दल बोलायचं झाल्यास, १० ग्रॅमच्या दरात थेट १,९१० रुपयांची घट झाली आहे. याचाच अर्थ, १०० ग्रॅम सोन्यावर १९,१०० रुपयांची मोठी बचत होत आहे. आज २४ कॅरेट १० तोळे सोने खरेदी करण्यासाठी ग्राहकांना १,३०,८६० रुपये प्रति तोळा मोजावे लागतील. यामुळे एकूण १० तोळ्यांच्या खरेदीवर जवळपास १ लाख ९१ हजार रुपयांचा फायदा होत आहे.
फक्त २४ कॅरेटच नव्हे, तर इतर शुद्धतेच्या सोन्याच्या दरातही आराम मिळाला आहे. २२ कॅरेट सोन्याच्या १० ग्रॅम दरात १,७५० रुपयांची घट झाली आहे. त्यामुळे २२ कॅरेटचे एक तोळे सोनं घेण्यासाठी १,१९,९५० रुपये लागतील. १०० ग्रॅमवर १७,५०० रुपयांची घट नोंदवली गेली आहे.
याशिवाय, १८ कॅरेट सोन्याच्या दरातही कपात झाली आहे. १८ कॅरेट १० ग्रॅम सोने खरेदी करताना १,४४० रुपयांची सवलत मिळत आहे. त्यामुळे १८ कॅरेटच्या एका तोळ्यासाठी आता ९८,१४० रुपये मोजावे लागतील. १०० ग्रॅमवर ही घट १४,४०० रुपयांची आहे.
सोन्याप्रमाणेच चांदीच्या दरातही मोठी घसरण झाली आहे. चांदीच्या दरात प्रति ग्रॅम १३ रुपयांची घट झाली आहे. सध्या १ ग्रॅम चांदी घेण्यासाठी १७२ रुपये द्यावे लागतील. सर्वात मोठा फायदा किलोच्या दरात दिसतोय. चांदीच्या १ किलोच्या दरात तब्बल १३,००० रुपयांची घट झाली आहे. याचा अर्थ, आज एक किलो चांदी खरेदी करण्यासाठी १,७२,००० रुपये मोजावे लागतील. सोने चांदी दर घसरण धनत्रयोदशीमुळे खरेदीचं बजेट सांभाळायला मदत करत आहे.
