महाराष्ट्रातील राजकारणात आज एकाच वेळी अनेक घडामोडी घडल्या आहेत. स्थानिक स्वराज्य निवडणुकांपासून ते खासदार गणेश नाईक यांच्या स्वास्थ्यापर्यंत, आजच्या बातम्यांमध्ये विविध रंग आहेत. राज्यातील २९ महापालिकांचे निकाल जाहीर झाल्यानंतर भाजपला स्पष्ट बहुमत मिळाल्याचे दिसून येत आहे, तर जिल्हा परिषद व पंचायत समिती निवडणुकांसाठी सर्व पक्ष ताकतीने तयारी सुरू केली आहे.
भारतीय जनता पार्टीने नगरपालिका निवडणुकांमध्ये मिळालेल्या यशानंतर आता जिल्हा परिषद व पंचायत समिती निवडणुकांच्या तयारी सुरू केल्या आहेत. भाजप कार्यालयाकडे इच्छुकांचे अर्ज स्वीकारले जात आहेत. पंचायत समितीच्या ११० जागांसाठी सुमारे ३९२ इच्छुकांनी तर जिल्हा परिषदेच्या ५५ गटांसाठी ३२० असे एकूण ७१२ इच्छुकांनी अर्ज दाखल केले आहेत. जिल्हाध्यक्ष दत्ता कुलकर्णी यांनी सांगितले की, मोठ्या प्रमाणावर इच्छुक असले तरी उमेदवारीचा निर्णय पारदर्शक पद्धतीने होईल. अकोला महापालिकेत एकूण ८० जागा असून बहुमतासाठी ४१ चा आकडं गाठणं गरजेचं आहे. येथे कोणत्याही पक्षाला स्पष्ट बहुमत न मिळाल्याने त्रिशंकू परिस्थिती निर्माण झाली आहे. सत्तेच्या चाब्या दोन अपक्ष आणि शिंदे आणि शरद पवारांच्या प्रत्येकी एका नगरसेवकांच्या हाती आहेत. दोनपैकी एक अपक्ष भाजपचे बंडखोर आशिष पवित्रकार आहेत. पवित्रकार यांनी ‘साम’शी बोलतांना आपल्यासाठी सर्वच पर्याय खुले असल्याचं म्हटलंय. ‘ये तो बस झाँकी है, असली पिक्चर अभी बाकी है’ म्हणत पवित्रकार यांनी पुढच्या राजकारणाचे संकेत दिलेत.
सोलापूर जिल्ह्यात आगामी जिल्हा परिषद व पंचायत समिती निवडणुकीच्या निमित्ताने दोन्ही राष्ट्रवादी पुन्हा एकत्र येण्याची चर्चा सुरू झाली आहे. शरद पवार गटाचे खासदार धैर्यशील मोहिते पाटील आणि चार आमदारांनी काल उपमुख्यमंत्री अजित पवार यांची भेट घेतली आहे. या भेटी दरम्यान दोन्ही राष्ट्रवादी एकत्रित निवडणूक लढवण्यावर चर्चा झाली आहे. दरम्यान, सोलापूर महापालिकेत भाजपच्या विजयानंतर शहरात ठिकठिकाणी बॅनरबाजी सुरू झाली आहे. ‘सोलापूरच्या राजकारणात नवा अध्याय, व्यक्ती हरली, पार्टी जिंकली’ असा आशय असलेले बॅनर लागलेले दिसत आहेत. आमदार सुभाष देशमुख यांच्यासाठी हे बॅनर लावल्याची चर्चा सोलापूरात जोरात चालली आहे.
भाजप नेते राज के. पुरोहित यांचे मुंबईतील बॉम्बे हॉस्पिटलमध्ये निधन झाले. ते ६९ वर्षांचे होते. गेल्या काही दिवसांपासून त्यांची प्रकृती खालावली होती. उपचारादरम्यान त्यांची प्राणज्योत मालवली. एकाच वेळी काँग्रेस नेते नाना पटोले यांनी आगामी जिल्हा परिषद व पंचायत समित्या निवडणुका बॅलेटवर घ्याव्यात अशी मागणी केली आहे. पार पडलेल्या २९ नगरपालिका निवडणुकीत मोठ्या प्रमाणात निवडणूक आयोगाचा गौडबंगाल बाहेर आल्याचे ते म्हणत आहेत. अनेक ठिकाणी मतदारसंघ मतदारांचे वेळेवर बदलल्याने मतदान करण्याच्या दिशा धांदल उडाली, ज्यामुळे अनेकांना मतदानापासून वंचित राहावे लागले. Vvpat नसल्याने मतदारांना त्यांचं मतदान कुणाला होतंय याची माहिती मिळाली नाही, अशा बाबींमुळे ईव्हीएम मशीनवर न घेता बॅलेट पेपरवर निवडणुक घ्याव्यात अशी मागणी पटोले यांनी केली आहे.
नवी मुंबई महानगरपालिका निवडणुकीमध्ये भाजपला स्पष्ट बहुमत मिळाल्यामुळे आणि शहरात भाजपचा महापौर झाल्यामुळे राज्याचे मुख्यमंत्री देवेंद्र फडणवीस यांनी वनमंत्री गणेश नाईक यांना फोन करून अभिनंदन केले. दरम्यान, नवी मुंबई महानगरपालिकेच्या निवडणुकीमध्ये थोडक्यात मतांनी भाजपाचे पराभूत झालेले १४ उमेदवारांना योग्य संधी देण्याचा भाजप नेतृत्वाचा विचार आहे. भाजपचे माजी आमदार संदीप नाईक यांनी पराभूत झालेल्या उमेदवारांना भाजपात योग्य सन्मान दिला जाईल अशी भूमिका व्यक्त केली आहे. तर शिंदे गटाचे नवी मुंबई महानगरपालिकेत पराभूत झाले उमेदवारांची मनधरणी करण्याचा प्रयत्न खासदार नरेश मस्के यांनी केला आहे. योग्य वेळेला त्यांचा पुनर्वसन केला जाईल असे शब्द नरेश मस्केनी कार्यकर्त्यांना दिले आहेत.
हिंगोलीत भटक्या कुत्र्यांची दहशत पाहायला मिळाली आहे. हिंगोलीच्या शासकीय रुग्णालयात दररोज आठ ते दहा रुग्ण कुत्र्याने चावा घेतल्याने उपचारासाठी दाखल होत असल्याची धक्कादायक आकडेवारी सामने आली आहे. हिंगोली पालिका प्रशासन भटक्या कुत्र्यांचा बंदोबस्त करण्यासाठी अपयशी ठरल्याचं सांगत नागरिकांनी संताप व्यक्त केला आहे. हिंगोलीच्या जिल्हाधिकाऱ्यांनी या भटक्या कुत्र्यांचा बंदोबस्त करण्यासाठी ठोस उपाययोजना कराव्यात अशी मागणी नागरिक करत आहेत.
धाराशिव जिल्ह्यात उमरगा तालुक्यात जिल्हा परिषद, पंचायत समिती निवडणुकीसाठी काँग्रेसकडून इच्छुकांची चांगलीच गर्दी झाली आहे. काँग्रेस पक्षाच्या वतीने उमरगा तालुक्यातून इच्छुक असणार्या उमेदवारांकडून अर्ज मागविण्यात आले होते. काँग्रेस कार्यालयात घेण्यात आलेल्या बैठकीत निवडणूक तयारी, पक्ष संघटन बळकटी, बूथनिहाय नियोजन, उमेदवार निवड प्रक्रिया याबाबत सविस्तर चर्चा करण्यात आली. सर्वांनी एकजुटीने काम करण्याचा निर्धार व्यक्त करत निवडणुकीत यश मिळवण्याचा संकल्प करण्यात आलाय.
सिल्लोड न्यायालयाने आमदार अब्दुल सत्तार, जिल्हाधिकारी सह तीन अधिकाऱ्यांना नोटीस दिली आहे. सन २०२४ च्या सिल्लोड सोयगाव विधानसभा निवडणुकीदरम्यान शिवसेना (शिंदे गट) तर्फे उमेदवार असलेले आमदार अब्दुल सत्तार यांनी प्रचाराच्या शेवटच्या जाहीर सभेत धमकीवजा वक्तव्य केल्याचा गंभीर आरोप करण्यात आला आहे. त्यांच्या भाषणात, जे मतदार त्यांना मतदान करणार नाहीत त्यांची नावे गुप्तपणे चिठ्ठीद्वारे कळविण्याचे आवाहन करत, अशा मतदारांवर “रामबाण उपाय” करण्याची भाषा वापरून गोळ्या देणे, इंजेक्शन देणे, अँजिओप्लास्टी, अँजिओग्राफी किंवा बायपास शस्त्रक्रियेचा इंतजाम केला जाईल, असे वक्तव्य केल्याचा आरोप आहे.
भंडारा जिल्ह्यातील भिलेवाडा येथे जलसा निमित्त आयोजित भव्य कबड्डी स्पर्धेत भंडारा-गोंदियाचे खासदार प्रशांत पडोळे यांना क्रीडा मंडळ यांच्या प्रमुख पाहुणे म्हणून बोलवण्यात आले होते. उद्घाटनाच्या वेळी खासदारांना कबड्डीचा मोह आवरलं नाही. त्यांनी स्वतः मैदानात उतरून कबड्डीच्या आनंद घेतला आणि खेळाडूंच्या उत्साह वाढवला.
धरणात खोल पाण्यात उडी मारून आत्महत्या करण्याचा प्रयत्न करणाऱ्या महिलेचे प्राण येथील धरणाची सुरक्षा व्यवस्था पाहणारे बहादूर सुरक्षा रक्षकाने वाचवले. महिला पाण्यात बुडत असताना क्षणाचाही विलंब न करता हरिदास पुंडलिक वऱ्हाड यांनी जीवाची पर्वा न करता पाण्यात उडी घेतली व तिला बाहेर काढले. नंतर पोलिसांच्या मदतीने तिला पतीच्या स्वाधीन करण्यात आले. हरिदास यांच्या तत्परतेने प्राण वाचल्याने त्यांचे सर्वत्र कौतुक होत आहे.
वाळू माफियांचा कारनामा हिंगोलीत सामने आला आहे. महसूल प्रशासन व पोलिसांच्या पथकाला पाहून भरधाव वेगात धावणाऱ्या डंपर चालकाने राज्य महामार्गावर डंपर हायड्रोलिक करत वाळू सांडून पळ काढला आहे. रस्त्यावर वाळू पसरल्याने अनेक दुचाकी चालकांचे अपघात घडले आहेत. दरम्यान राष्ट्रीय महामार्ग पोलिसांनी स्वतः स्थानिक नागरिकांना सोबत घेत रस्त्यावर सांडलेली ही वाळू बाजूला केली आहे. हा सगळा गंभीर प्रकार हिंगोली औंढा मार्गावरील बोरजा फाटा येथे घडला आहे.
आजच्या ताज्या बातम्या हे महाराष्ट्र राजकारणातील निर्णायक टप्प्याचे सूचक आहेत. जिल्हा परिषद व पंचायत समिती निवडणुकांची तयारी तीव्र सुरू आहे आणि स्थानिक मुद्दे राजकारणाला नवीन दिशा देत आहेत.
