दाट भुवया असणे हे चेहऱ्याच्या सौंदर्याला भर देणारे गोष्टींपैकी एक मानले जाते. भुवयांची आकृती डोळ्यांच्या सौंदर्यावर प्रभाव टाकते. पातळ भुवयांमुळे बरेच लोक महागड्या आयब्रो पेन्सिल्सकडे वळतात. तर काही लोक मायक्रोब्लेडिंगसारख्या उपायांचा आशरा घेतात. पण या उपायांनी मिळणारा परिणाम कायमस्वरूपी नसतो आणि खर्चाची तर चिंता राहतेच.
नैसर्गिक तेलांचा वापर केल्याने तुम्ही दाट भुवया मिळवू शकता. हे तेल अगदी सोपे आणि स्वस्त आहेत. यासाठी तुम्हाला फारशी महनत करावी लागणार नाही. दररोज थोड्या वेळेत हा उपाय करता येतो. तेलांच्या मदतीने भुवयांच्या केसांचा विकास सुधारतो आणि त्या दाट होतात.
कोणतीही तेल वापरण्याआधी त्याची अँलर्जी तपासून घेणे गरजेचे असते. त्वचेवर काही तेल लावून पाहा. जर जळजळ किंवा त्रास वाटला तर त्या तेलाचा वापर करू नका.
टी ट्री ऑइल भुवयांच्या केसांसाठी खूप चांगले ठरते. यामुळे केसांची छिद्रे उघडतात आणि नवीन केस वाढण्यास मदत होते. रात्री झोपण्याआधी भुवयांना याचे हलके थोपे लावल्यास उत्तम परिणाम मिळतात. त्याचप्रमाणे नारळाचे तेल केसांच्या मुळांना पोषण देते. रोज भुवयांना हलक्या हाताने मालिश केल्याने त्या जाड आणि दाट होतात.
लॅव्हेंडर तेलामुळे केसांची वाढ नैसर्गिकरीत्या वाढते. भुवयांभोवती हलक्या हाताने मालिश केल्यास फरक जाणवतो. एरंडेल तेलात असणारे रिसिनोलेइक ॲसिड आणि फॅटी ॲसिड्स केसांच्या मुळांना पोषण देतात. यामुळे नवीन केस लवकर उगवतात. या तेलांपैकी कोणतंही तेल लावल्यानंतर 2 ते 3 मिनिटं हलक्या हाताने मसाज करावी. याने रक्ताभिसरण सुधारतं आणि केसांची वाढ होते.
सतत आयब्रो पेन्सिल वापरल्याने भुवयांचे नैसर्गिक केस कमजोर होऊ शकतात. म्हणून शक्यतो घरगुती उपायांवर भर द्यावा. हे उपाय एक-दोन दिवस करून चालत नाहीत. किमान 3 ते 4 आठवडे नियमित वापर केल्यावर चांगला परिणाम दिसून येतो.
हे नैसर्गिक उपाय सुरक्षित आहेत. सर्व तेल नैसर्गिक असल्याने त्वचेला फारसा त्रास होत नाही. यामुळे भुवया सुंदर, दाट व रेखीव दिसू लागतात. महागड्या पेन्सिल्सवर अवलंबून राहण्यापेक्षा नैसर्गिक तेलांचा पर्याय करणे फायदेशीर ठरते.
