मुख्यमंत्री माझी लाडकी बहीण योजनेच्या लाभार्थी महिलांना सप्टेंबर महिन्याच्या हप्त्याची प्रतीक्षा आहे. नवरात्र आणि दसरा संपल्यानंतरही महिलांच्या खात्यात १५०० रुपये जमा झालेले नाहीत. त्यामुळे आता हा हप्ता कधी मिळणार आणि सप्टेंबर व ऑक्टोबरचे पैसे एकत्र जमा होणार का, असे प्रश्न उपस्थित होत आहेत.
योजनेअंतर्गत पात्र महिलांना दर महिन्याला १५०० रुपयांची आर्थिक मदत दिली जाते. मात्र, रखडलेल्या हप्त्याबाबत सरकारकडून अद्याप अधिकृत तारीख जाहीर करण्यात आलेली नाही.
लाडकी बहीण योजनेचे १५०० रुपये कधी मिळणार?
सप्टेंबरच्या हप्त्याची रक्कम २५ ऑक्टोबरनंतर लाभार्थी महिलांच्या खात्यात जमा होऊ शकते, असा अंदाज व्यक्त केला जात आहे. दसऱ्यानंतर होणाऱ्या मंत्रिमंडळाच्या बैठकीत या हप्त्याबाबत चर्चा होऊन निर्णय घेतला जाण्याची शक्यता वर्तवली जात आहे.
मात्र, ही संभाव्य तारीख असून सरकारकडून अद्याप अधिकृत घोषणा झालेली नाही. त्यामुळे लाभार्थी महिलांना पैसे जमा होण्यासाठी आणखी प्रतीक्षा करावी लागू शकते.
सप्टेंबर आणि ऑक्टोबरचे मिळून ३००० रुपये मिळणार?
सप्टेंबरचा हप्ता रखडल्यामुळे आता ऑक्टोबर महिन्याची रक्कमही त्यासोबत मिळणार का, याकडे महिलांचं लक्ष लागलं आहे. दोन्ही महिन्यांचे हप्ते एकत्र जमा झाल्यास पात्र महिलांच्या खात्यात एकूण ३००० रुपये येऊ शकतात.
मात्र, दोन्ही हप्ते एकत्र देण्याबाबत कोणताही अधिकृत निर्णय जाहीर झालेला नाही. त्यामुळे खात्यात ३००० रुपये जमा होतील, असं निश्चितपणे सांगता येत नाही.
दिवाळीपूर्वी पैसे मिळण्याची अपेक्षा
मुख्यमंत्री माझी लाडकी बहीण योजनेतून मिळणाऱ्या आर्थिक मदतीचा उपयोग अनेक महिला घरखर्च आणि सणासुदीच्या खरेदीसाठी करतात. त्यामुळे दिवाळीपूर्वी रखडलेला हप्ता जमा होणार का, याची लाभार्थी महिलांना उत्सुकता आहे.
सध्या सप्टेंबरच्या हप्त्याची तारीख, ऑक्टोबरचा हप्ता आणि दोन्ही रक्कम एकत्र देण्याबाबत स्पष्टता नाही. त्यामुळे महिलांनी अधिकृत घोषणेकडे लक्ष ठेवावं. पैसे जमा होण्याची तारीख निश्चित झाल्यानंतरच हप्त्याबाबतचं चित्र स्पष्ट होईल.
अधिक बातम्या वाचण्यासाठी येथे क्लिक करा.
