20 एप्रिल रोजी बँका बंद राहणार असल्याची चर्चा सध्या सुरू आहे. त्यामुळे अनेक ग्राहकांमध्ये संभ्रम निर्माण झाला आहे. मात्र प्रत्यक्षात ही Bank Holiday संपूर्ण देशासाठी लागू नाही.
Akshaya Tritiya आणि Basava Jayanti या सणांच्या पार्श्वभूमीवर 20 एप्रिल रोजी सुट्टी जाहीर करण्यात आली आहे. पण ही सुट्टी फक्त कर्नाटक राज्यापुरती मर्यादित आहे.
19 एप्रिलला अक्षय तृतीया मोठ्या उत्साहात साजरी केली जाते. या दिवशी सोने, मालमत्ता किंवा वाहन खरेदी शुभ मानली जाते. त्यामुळे बँकिंग व्यवहारही वाढतात. त्यानंतर दुसऱ्या दिवशी काही ठिकाणी बँकांना सुट्टी देण्यात आली आहे.
20 एप्रिल रोजी फक्त कर्नाटकमध्ये बँका बंद राहतील. बसवा जयंतीनिमित्त हा निर्णय घेतला जातो. संत बसवेश्वर यांच्या जयंतीदिवशी राज्यात सार्वजनिक सुट्टी दिली जाते.
महत्त्वाची बाब म्हणजे इतर सर्व राज्यांमध्ये बँका नेहमीप्रमाणे सुरू राहणार आहेत. त्यामुळे मुंबईसह इतर शहरांतील ग्राहकांना कोणतीही अडचण येणार नाही.
ग्राहकांनी व्यवहार करण्यापूर्वी आपल्या स्थानिक शाखेची माहिती तपासून घ्यावी. यामुळे अनावश्यक त्रास टाळता येईल.
पुढील काही दिवसांतही बँक सुट्ट्या आहेत. 21 एप्रिल रोजी त्रिपुरामध्ये गरिया पूजेमुळे बँका बंद राहतील. तसेच 25 एप्रिल हा चौथा शनिवार आणि 26 एप्रिल रविवार असल्याने नियमित सुट्टी असेल.
दरम्यान, बँका बंद असल्या तरी ऑनलाइन सेवा सुरू राहणार आहेत. UPI, इंटरनेट बँकिंग आणि ATM चा वापर करून व्यवहार करता येतील. त्यामुळे तातडीच्या कामांसाठी ग्राहकांना अडचण येणार नाही.
अधिक बातम्या वाचण्यासाठी येथे क्लिक करा.
