देशभरातील शेतकऱ्यांसाठी सुरू असलेल्या PM Kisan Yojana बाबत केंद्र सरकारने महत्त्वाची माहिती दिली आहे. या योजनेतून शेतकऱ्यांना आर्थिक मदत दिली जाते आणि आता सर्वजण 23व्या हप्त्याची वाट पाहत आहेत.
सरकारने दिलेल्या माहितीनुसार, या योजनेअंतर्गत आतापर्यंत 22 हप्त्यांमध्ये शेतकऱ्यांच्या खात्यात मोठ्या प्रमाणात रक्कम जमा करण्यात आली आहे. एकूण 4.28 लाख कोटी रुपये थेट लाभार्थ्यांच्या खात्यात पाठवण्यात आले आहेत. यामध्ये महिला शेतकऱ्यांचाही मोठा सहभाग आहे.
या योजनेत शेतकऱ्यांना वर्षाला 6 हजार रुपये दिले जातात. ही रक्कम तीन हप्त्यांमध्ये दिली जाते आणि प्रत्येक हप्ता ₹2000 इतका असतो. साधारणपणे दर चार महिन्यांनी हा हप्ता शेतकऱ्यांच्या खात्यात जमा केला जातो.
22वा हप्ता 13 मार्च रोजी जमा करण्यात आला होता. त्यामुळे पुढील 23वा हप्ता जुलैमध्ये येण्याची शक्यता वर्तवली जात आहे. मात्र याबाबत सरकारकडून अजून अधिकृत तारीख जाहीर करण्यात आलेली नाही.
दरम्यान, काही महत्त्वाची कामे पूर्ण नसतील तर शेतकऱ्यांचे पैसे अडकू शकतात. यामध्ये सर्वात महत्त्वाचे म्हणजे e-KYC प्रक्रिया पूर्ण असणे आवश्यक आहे. ज्या शेतकऱ्यांनी अद्याप e-KYC केलेले नाही, त्यांनी ते लवकरात लवकर पूर्ण करावे.
तसेच, जमिनीची नोंद (लँड सीडिंग) आणि आधार लिंकिंगही पूर्ण असणे गरजेचे आहे. बँक खाते आधारशी जोडलेले नसेल, तर हप्ता खात्यात जमा होणार नाही.
शेतकरी आपली अर्जाची स्थिती ऑनलाइन सहज तपासू शकतात. अधिकृत वेबसाइटवर जाऊन ‘Know Your Status’ या पर्यायाद्वारे e-KYC, आधार लिंकिंग आणि जमिनीच्या नोंदीची माहिती तपासता येते.
सध्या शेतकऱ्यांचे लक्ष 23व्या हप्त्याकडे लागले असून, अधिकृत घोषणेची सर्वजण प्रतीक्षा करत आहेत.
अधिक बातम्या वाचण्यासाठी येथे क्लिक करा.
